هذا الشخص مطلوب امنيا

والي يجيبه له قطمتين رز وكيلو خيار


.................................................. ...............
تبن البهايم في ارتفاع يامعالي الوزير ؟

ادوات البناء تضاعفة الاسعار يامعمعليييييه

المواد الغذائيه بعضها قفل نسبتين >>>>>> تدبيله ياحج

وسوق الاسهم مثل وجيهكم القبيحه مع الاعتذار لصوره

نصب ودجل وضحك على الذقون

والسبب ان الشعب مغفل في نظرهم وانه راضخ تحت وطائتهم

الاخبار المؤكده لدي ان معاليه حرص اشد التحريص على طباخينه ان يتذوقو النخاله

والشعير وبعض انواع البرسيم قبل تقديمها على مائدته خشية التسمم

وجعله يشرب السم قولو امين

المشكله الوزراء الي بدون اشناب ولا ذقون قويه عيونهم ومحترفين في الدجل !!!

نسأل الله السلامه لشعب والنهايه للوزراء

دينصورااااااااااات لاتشبع ولاتنفع

ومافيه تحيه ولا شكرا

خلص الموضوع

اهداء اخوي خالد


والله من حقك ومن حق اي مواطن انه يتكلم


اولا ابي اتكلم عن ارتفاع الاسعار زي ماقلت مواد البناء ارتفعت



خصوصا الحديد ويعتبر من اهم مواد البناء


ولهذا لايستيع المواطن ان يبني عماره


المواد الغذائيه بصراحه من ارتفاع لارتفاع

خشية الرز 190 ريال ليش ؟

سوق الاسهم معروف انه خدعـه وتلاعب بالاسعار عيني عينك


الشعير غالي ايضا

والله يعين حقين الحلال



ولكن السوال هنا ؟

كل الكلام اللي نسمعه وكل المواطنين اللي يطالبون بخفض الاسعار !!!

من المسؤؤؤؤؤؤؤل (( هنا )) ؟.

يدعوكم معالي الورزير لحظور الحفل الساهر للفنان محمد عبده


والمقام على شرف معالية بقاعة المحاظرات الكبرى بوزارة التجارة

بمدينة الرياض


وسيستهل الفنان أمسيته بأغنيته المشهورة (( لنا الله ))




وكذا يعد جمهوره بطرح أغنية جديدة _ كما عودكم _



وهي بعنوان ( موتوا قهر ))


كلمات : معالي وزير التجارة الملقب : مطنش الناس




والحان : وكيل الوزارة لشوؤن الأسواق الملقب : صاحب الغلاء



وهي من توزيع المسيقار والمبدع : حبيب الهوامير


رئيس هيئة نهب المال



حفلاً ساهراً ممتعاً




والدعوة عامة لجميع المواطنين


ويسمع بأصطحاب الأطفال حتى يتعودوا على الغلاء في المستقبل

صحيح والله ليش الغلا....



زمان اللي كان يبي يبني بيت يحتاج 3000 او 4000 بالكثير

عشان خرايط البناء ....واليوم ارحم مهندس ب2000 ...

والسبب البلدية والامانة .....

واحسب حساب الحديد والتشطيبات ....


غير الادوية اللي لها فلم ثاني Cipram اللي كان ب100 صار ب130

والمواد الغذائية اللي ارتفعت فجأة.....(بعض البوفيات عندنا صارت تبيع الشاهي ب2 )

و الملابس نفس الموضوع


والمستوصفات الاهلية..



والجوالات ...





وغيرها ...



وغيرها...




والوزير يقول (الحديث في غلا الاسعار مبلاغ فية)



الله يرحم ايامك با ابو شلاخ.....


هذا الكلام موجود عندنا في جدة .

اقتباس:

هذا الشخص مطلوب امنيا والي يجيبه له قطمتين رز وكيلو خيار

اضحك الله سنك ياخالد

لو خليتها قطمة واحدة كانت الجائزة تتناسب مع مقام الوزير

لكن قطمتين وفي ظل الاسعار الحالية كثير

بس ماقلتلي عن نوع الرز الجائزة

رز الوزراء وكبار الشخصيات

والا رز المواطنين المفروض عليهم

ترى بينها فرق كبير في النوعية والسعر

تحيتي

صحيح مبارك عليكم

الله المستعان

عندما تكون للوزراء أهداف لا رابط بينها وبين معاناة المواطن وطموحاته

فلا نستغرب وصولنا الى هذا الحال

ينبغي على الحكومة تلافي هذه السلبيات قبل فوات الأوان

فالمتربصون بالمملكة كثر وينبغي الاسراع في قطع الطريق عليهم

مشكور أخي ولك مودتي وتقديري

من أصلح سريرته أصلح الله علانيته
ومن أصلح ما بينه وبين الله عز وجل أصلح الله ما بينه وبين الناس .
المملكة العربية السعودية

ابي اروح ادور عليه هذا المطلوب

يمكن خاش بين قطم الرز المهداة اليه

ومع قدوم رمضان المتاجر مو مصدقه

عروض ووتحطيم اسعار

تخرج من باب بيتك والاوراق تتحذف عليك

وتشتري الجريدة والاعلانات مثقلتها

يخفضون في شئ ويسحبون رجلك في شئ اخر

والاخ يتفرج من بعيد

الله المستعان

اشكرك اخي على الموضوع

تحيتي

اقتباس:

المشاركة الأصلية كتبت بواسطة رفيق العمر اهداء اخوي خالد والله من حقك ومن حق اي مواطن انه يتكلم اولا ابي اتكلم عن ارتفاع الاسعار زي ماقلت مواد البناء ارتفعت خصوصا الحديد ويعتبر من اهم مواد البناء ولهذا لايستيع المواطن ان يبني عماره المواد الغذائيه بصراحه من ارتفاع لارتفاع خشية الرز 190 ريال ليش ؟ سوق الاسهم معروف انه خدعـه وتلاعب بالاسعار عيني عينك الشعير غالي ايضا والله يعين حقين الحلال ولكن السوال هنا ؟ كل الكلام اللي نسمعه وكل المواطنين اللي يطالبون بخفض الاسعار !!! من المسؤؤؤؤؤؤؤل (( هنا )) ؟.

اهلا وسهلا رفيق العمر

نعم من حق اي مواطن ابداء رايه وانتقاد المقصر والسخريه من الساذجين

وهم الاغلبيه في مكاتب الهد اوفيس

نسال الله ان يصلح الحال ويغيث العباد والبلاد بالصلاااااح


اشكرلك مرورك وتوجدك معنى

اقتباس:

المشاركة الأصلية كتبت بواسطة الفارس 3 يدعوكم معالي الورزير لحظور الحفل الساهر للفنان محمد عبده والمقام على شرف معالية بقاعة المحاظرات الكبرى بوزارة التجارة بمدينة الرياض وسيستهل الفنان أمسيته بأغنيته المشهورة (( لنا الله )) وكذا يعد جمهوره بطرح أغنية جديدة _ كما عودكم _ وهي بعنوان ( موتوا قهر )) كلمات : معالي وزير التجارة الملقب : مطنش الناس والحان : وكيل الوزارة لشوؤن الأسواق الملقب : صاحب الغلاء وهي من توزيع المسيقار والمبدع : حبيب الهوامير رئيس هيئة نهب المال حفلاً ساهراً ممتعاً والدعوة عامة لجميع المواطنين ويسمع بأصطحاب الأطفال حتى يتعودوا على الغلاء في المستقبل

حياك اخي الفارس 3

مانقدر نتاخر لازم نحظر

بس العتب عليهم وش ذي اغنية (موتو قهر)

قديمه وكل صبح نسمعها في الراديو والتلفزيون

بنموت قهر ويعيش الوزراء

عاش الوزير عاش ......... عاش عاش عاش

والشعب ماش ماش ماش

بين ايادي الاجبار سيكون الامتثااااااااال

اشكرلك الطله والقول والدعوه

اهم شي جنتله ياشباب لا تكشخون بالشماغ بعدين الوزير يرفع اسعار التذاكر

مهو متعوذ زي مايفعل بنات الليل الاحمر في دوله مجاوره

تعرف انك سعودي تطق السعر دبل

الله لا يبلانا ويعفي عنا وعنهم >>>>>>>>>>> استغفر الله العظيم