28-09-2008, 02:16
|
 | | | | | |
 وعسى قصيدي يا جماعة عجبهـا
جتني تعاتـب والعتـب تستزيـده** يا زينها ويا زيـن حتـى عتبهـا
قالت تجيد الشعر ؟ قلت إيه أجيده** ( هي جت كذا ) لازم أنفذ طلبهـا
قالت أبيك تقـول فينـي قصيـدة** أبي الجموع تصيح منهو كتبهـا ؟
ابي القوافـي والمشاعـر فريـدة**ابيـك تتعبنـي وأحـس بتعبهـا
أبيك تلعـب فـي بحـورٍ جديـده**أنت الوحيد اليا لعبهـا .. لعبهـا
تكفى طلبتك يـا جنـاب الوليـدة**جبها على الطاروق يا شيخ جبها
المشكلـة طفلـة وطفلـة عنيـدة**قبـل سنـة قطـت بقايـا لعبهـا
واليوم سيد الناس تصيـر سيـده**كم سيد قوم جـا لبوهـا خطبهـا
يلعن ابو جـد الشعـور وكديـده**إن كان ما ولّـد قصيـد بسببهـا
الزين من ربـي ويعطـي عبيـده**مهي من اللي زينها فـي ذهبهـا
وإذا نوت حي تكيـده ... تكيـده**يا قبلة الله يـوم ترخـي هدبهـا
ويا شعرها لامن عصاهـا تعيـده**للخلـف ويغطـي مثانـي ركبهـا
والطول يا أهل الطول عنق الفريده**طولي إذا قطـت صغيّـر كعبهـا
وشلون أعدد من صفات عديده ** ؟يكفي تـأدب جيلهـا مـن أدبهـا
عندي قريبة بـس عنـي بعيـده**وهي مسألة صعبة على من حسبها
يا الله عساني قلت فيهـا قصيـدة**وعسى قصيدي يا جماعة عجبهـا
الشاعر نفاع العنزي |