مات الكلام ولابقـى شـي ينقـال = وماتت احروفي ماتعـدت شفاتـي
كل الاحلام الماضيه صارت اطلال = بالله قلى كيـف بجمـع شتاتـي
احس كني فارس ٍ خانـه الفـال = واحس حولى من تمنـى مماتـي
واحس باشياء إتخيل على البـال = احزان لوني محرمه في صلاتـي
لا قلـت عـدت لا تغيـر ولا زال = نفس العذاب ونفس حتى عداتـي
احترت من كثـر الاوادم والازوال = واحترت حتى يفرحو فى شماتـي
لذا تحملت المصايـب والاهـوال = وكتمتها ما بين نفسـي و ذاتـي
ادري تهد الحيل وحمولها اثقـال = لكنها ارحم مـن تزعـزع ثباتـي
وقفت فى وجه الزمن والزمن مال = ونقض اجروحن بالحشى مسملاتي
فيني براءة طفل مع هيبة ارجـال = وفيني امومه تستكن فى حشاتـى
العيب فى وقتي على كل ألاحـوال = ولا انا صعبـه تحصـل صفاتـي
ماهو غرور ولا تغطرس ولا هبال = شموخ لو هو راس مالى عباتـي