منتدىمنتدى مزاد بيع وشراءسوق اوجد ماتبحث عنه من صورصور دليل مواقع اضف موقعك اليوممواقع البنك شاهد ادارة الموقعتعرف على الإدارة ارفع ملفات الى الموقعتحميل ملفات التنقل السريع بين المنتدتياتاختصر وقتك
العودة   اللوبي الخليجي > اللوبي الشامل > اللوبيات الإعلامية > قروب اللوبي الخليجي

قروب اللوبي الخليجي لوبي خاص بالتعاون مع قروب نواف بيك

اللوبي الخليجي



رحلتي الى تركيا شتاء 2008 / صور + فيديو ا



المواضيع المتشابهه
الموضوع كاتب الموضوع المنتدى
رحلتي من الرياض إلى تركيا بسيارة / ت نواف بيك البريدية قروب اللوبي الخليجي
رحلتي الى تركيا شتآء 2008 / صور+ فيديو الجزء الثالث نواف بيك البريدية قروب اللوبي الخليجي
البطل رئيس وزراء تركيا يهزئ بيريس الاسرائيلي / فيديو صور نواف بيك البريدية اخبار سياسة واخبار اقتصادية
البطل رئيس وزراء تركيا يهزئ بيريس الاسرائيلي / فيديو صور نواف بيك البريدية قروب اللوبي الخليجي
تقديم ][ البرتغال X تركيا ][ .. امم اوروبا 2008 .. الشــوق جابــك الرياضة العربية

رد
 
أدوات الموضوع
 
قديم 12-05-2009, 13:00
 
نواف بيك البريدية
مشرف القروبات العربية

  نواف بيك البريدية غير متصل  
الملف الشخصي
رقم العضوية : 130319
تاريخ التسجيل : 17-04-2006
الدولة :
المهنة :
الاهتمامات :
المشاركات : 1,107
الرصيد المالي : 0 ريال [كافئني]
المستوى : 0
المستوى القادم : يحتاج 0 ريال
النشاط : 0
Post رحلتي الى تركيا شتاء 2008 / صور + فيديو ا






أحبتي اعضاء مجموعة نوآف بيك البريدية

آخيرا وصلنا للتقرير الأخير لرحلتي لتركيا شتاء 2008
هالتقرير فيه صور اكثر لانه الأخير ف اتمنى لكم وقت
ممتع واللي مايحب يقرأ التعليقات اتمنى صوري تعجبه

واللي ماتابع الأجزآء السابقة يلقاها هنا :

رحلتي الى تركيا شتآء 2008




.. { الجزء الأول } .. { الجزء الثآني } .. { الجزء الثآلث } ..



اليوم السابع لنا في اسطنبول وثاني ايام العيد ماقدرنا نطلع
في رحلة مثل ماخططنا فبقيوا امي و ابوي في الفندق وحنا
قضينا اليوم تسوق و في طريق رجعتنا مريت محل حلويات
في السوق واشتريت قاتوه لانه يصادف يوم ميلاد ولد اختي
شفنا هذي الكيكة عجبني شكلها :



لكن اشترينا هذي وكان طعمها مررة يمي



رجعنا الفندق
وقررنا نشوف امكانية حجز ونمدد رحلتنا 3 ايام في الصباح
استأجرنا باص و رحنا الى حديقة تعودنا نزورها بكل رحلة
وكان الوقت ظهر والجو بارد كثير وراح ولد اختي يبي يصيد
وقبل نوصل للحديقة مرينا في طريقنا على منطقة ورتاكوي
ولقينا فيها فندق الراديسون ساس اللي كنا نبي نحجز
فيه لكن المكتب السياحي قال ابدا مافيه راديسون ع البحر

وبالصدفة ومن زود حظي الحلو شفت ( ملاحات ) اللي
تابع سنوات الضياع اكيد يعرفها الشينة ام كشة !!
قلت لنفسي يعني يوم شفت احد منهم طلعت هذي !!

المهم وصلنا الحديقة



الحديقة موقعها حلو بين الجسرين المعلقين وسابقا ماكان قدامها شيء



لكن حاليا مدري وش جاهم وفيه قدامها سفينتين كبار خربوا منظر البحر منها



جلست اتمشى في الحديقة ورغم ان الشمس قوية لكنها باردة



هذا الصورة من اسفل الحديقة





الشيء المميز واللي لفت انتباهي في هالزيارة من اول مانزلنا من المطار
ان كل الحدايق العامة اللي مرينا عليها على البحر او في المدينة كلها فيها
العاب رياضة متكاملة وجديدة ( حسرتي علينا ممشى ويعدونه علينا وكله حفر )
يعني طبيعة وجو حلو ومكان مفتوح للمشي والرياضة ياسلام



هنا العاب الاطفال



اعجبتني هالشجرة يائسة وسط الحياة والطبيعة



هذي الممرات اللي كنت امشي فيها



هذي صورة من آخر الحديقة اخذتها في مكان هادي جدااااا



لقيت فيه سور لنهاية الحديقة ومنه اقدر اشوف البحر
من جانب السفينة اللي كانت راسيه فاخذت كم صورة



هذي الكلية الحربية في الجزء الآسيوي منظرها بالليل رائع جدا مع الاضاءه



اخر شي دقوا علي اهلي وقالوا ياللا مشينا ذبحنا البرد وهذا طريق رجعتي



وهذا ملف فيديو للي يحب يشوف الحديقة بالصوت والصورة :

لحفظ الملف اضغطوا على الصورة بيمين الفارة وحفظ الهدف باسم :



حجم الملف : 6.3 م.ب

طلعنا من الحديقة ورحنا لمكتب الخطوط الاردنية ولكن للاسف كان
مغلق وتبددت محاولتنا لتمديد الرحلة وضاع منا وقت فقررنا نستغل
مابقى لنا من اليوم وكان بخاطرنا نروح بازار من البازارات الشعبية
ولكن ضاعت منا ساعه ونص على الفاضي لانهم مقفلين ل اجازة عيد .

فقررنا نروح السوق المسقوف نشوف المحلات الخارجية اذا فاتحة
ب نشتري بدلة لولد اختي عل وعسى تكون بعض المحلات مفتوحة



.. للمعلومية ..

اذا احد يحب يشتري بدل رسميه بيلاقي في هذا السوق جميع المقاسات
وبعد عندهم زي احنا صراحة ماكنا نعرف ليش يلبسونه لكن شكله حلو
ومتوفر بجميع المقاسات بعد يلبسونه للاولاد والكبار بمناسبة ( الختان )

غالبية المحلات الخارجية في السوق مفتوحة لكن ابواب السوق ومحلاته
الداخليه بالكامل مغلقة بسبب ايام العيد و اجازة السوق الاسبوعية الاحد.

هذي صورة لمحل يبيع البهارات والتوابل وبعض التوابل والخضار المجففة



وهذي صورة للحلوى التركية ( لوكوم ) سعرها رخيص هنا لكن مايغلفونها
ويعطونك اياها في اكياس والنوعية ليست ممتازة فما اشترينا منها



على ماخلصنا و حصلنا بدلة لولد اختي كان وقت العصر في اخره
طلعت لفت انتباهي هالبرج صورته وعرفت بعدين ان اسمه برج غلطة
وهو من المعالم السياحية في تركيا ولكن مازرناه .

يقدر ارتفاعه ب 61 متر ويقع على تلة في منطقة غلطة ويمكن
رؤية البرج من اي مكان في اسطنبول ويستطيع السياح الصعود
الى قمة البرج عن طريق السلالم وعددها 143 درجة .
كان يستخدم البرج في العهد العثماني كسجن ومخزن ومركز
للكشف عن الحرائق و فنار وقد اعيد ترميمه اكثر من مرة .
ويوجد مطعم في قمة البرج حاليا يمكن مشاهدة اسطنبول منها



وهذي صورة ثانية للمنطقة وللمعلومية يكثر فيها الحمام
بس انا صورة هالجهة والحمام متجمع بالجهة الثانية



وانا واقفة انتظر اخواتي يجون شفت هالمنظر طيارات نفاثة مرت بسرعه
اعجبني المنظر فصورتها



صار الوقت قريب المغرب وكنا نبي نروح الجزء الاسيوي لمنطقة جامليجا( جبل العرائس )



ونمر فوق الجسر عشان يشوفه ولد اختي ولكن نصحنا السواق اننا مانروح بهالوقت
لانه زحام شديد ويمكن ناخذ ساعتين في الطريق ومانوصل وبيكون قفل المكان علينا
وفعلا طلع كلامه صحيح لكن بعد ماصممنا نروحه من اللقافة

وهذي صورة لبيت لفت انتباهي لونه واحنا بالزحام فصورته :



بعد ما ضيعنا ساعه زمن وحنا ماوصلنا ربع الطريق فقررنا نرجع ونروح اي
مطعم نتعشى لان الدنيا صارت ليل واقترح علينا السواق مطعم يقول راقي
وممتاز ورجعنا لنفس المكان اللي تحركنا منه قبل اسم المطعم : ( زنهان بيت الكباب )

هذا موقع المطعم على الانترنت :

.. Zinhan ..




مدخل المطعم من تحت كله محلات ساعات لارقى الماركات العالمية
وبتشوفون شعار رولكس وش كبره على المبنى ماتفكرون ان فيه مطعم

ركبنا المصعد وكان بالفعل المطعم جدا موقعه ممتاز واطلالته رائعة
وهذي صورة للمنيو صورتها تبين الاطلاله احلى



هذي صالة المطعم الشتوية لان التراس مقفلينه عشان البرد



المطعم اسعاره غاليه عن غيره بس بجد اكله لذيذ جدا جدا وموقعه ممتاز



يمكن الاكل مايشبع الجوعانين والدبيين .. المهم طلبنا طلباتنا.
للامانة اللحوم في هالمطعم اول مرة اذوقها بهاللذة لانها طازجة بجد

الخبز + الموية تعتبر سيرفيس يقدمه المطعم وياخذ عن كل شخص
2 ليرة مقابلهم سواء تركي او سائح .



السلطة



اللحم بعجين مثل مايسموه او صفيحة اللحم مرة مرة لذيذ
ورق العنب بعد طعمه مرة لذيذ واللحوم كلها طازجة



المطعم متخصص في الكباب وفيه انواع كثيرة فطلبنا كباب
واوصال صغيرة وكلهم طعمهم كان لذيذ جدا



اخر شي البرد ماخلانا نجلس يادوب تعشينا وطلعنا وحنا طالعين
صورت ولد اختي مع الخباز وبعدين اخذت صورة له لوحده وطلعنا



قبل ننزل مشيت شوي بالتراس وجلست اصور اطلالة المطعم
وهذا مسجد السلطان احمد اللي صورته العصر يوم دخلنا السوق



وهذا المسجد اللي صورته ومرت من جنبه الطائرات قبل المغرب



وهذي صورة الجسر اللي صورته في الرحلةا لبحرية ومن نفس
المكان طلعنا في الرحلة البحرية يوم العيد في الجزء الثالث



وهذا ملف فيديو تبين فيه صالة و اطلالة المطعم :

لحفظ الملف اضغطوا على الصورة بيمين الفارة وحفظ الهدف باسم :



حجم الملف : 2.8 م.ب

تحت المنطقة رائعة جدا للاسف اخواتي مشوا فيها وانا رحت الباص
المنطقة كلهم بياعين سمك ومأكولات بحرية لكن يقولون اخواتي
منظر الاسماك والمحلات رائع للاسف ماعندي الا صورة من جوال اختي



وهذا ملف فيديو للي يحب يشوف المنطقة صوت وصورة :

لحفظ الملف اضغطوا على الصورة بيمين الفارة وحفظ الهدف باسم :



حجم الملف : 1.9 م.ب

كملنا طريقنا الى الفندق ورتبنا اغراضنا وفكرنا لو نحاول الصباح نشوف امكانية
حجز نمدد الرحلة لاننا ماتمشينا واخر شي قلنا خلاص مالنا نصيب واستعيدنا للسفر
وبعد ماخلصنا قررنا انا واخواتي وولد اختي ننزل نتمشى لآخر مرة في
شارع الاستقلال وكان يومها الجو مو برد !! الا صقيع جمدنا بقوة
تدفينا زين ونزلنا نتمشى وصورت لكم كم صورة وملف فيديو بعد

هذي ملف فيديو لواحد من المطاعم اللي ناخذ منها كل يوم

لحفظ الملف اضغطوا على الصورة بيمين الفارة وحفظ الهدف باسم :



حجم الملف : 1.7 م.ب

هذا ملف فيديو عند محلات الشاورما اللي صورتها من قبل الوقت
تقريبا الساعه 1.5 بالليل بس الشوارع والحياة كانك بوقت أبدر من كذا .

لحفظ الملف اضغطوا على الصورة بيمين الفارة وحفظ الهدف باسم :



حجم الملف : 4.2 م.ب

وآخر شي رجعنا الفندق ويعيب على الفندق سنترال بالاس ان الجادة
اللي هو فيها مظلمة باول الليل نوعا ما واخر الليل مظلمة بالكامل !!



طبعا انتم ماشفتوا صور الفندق من قبل خليكم معايا


في التقرير اللي رآح قلت اننا نقلنا فندق سنترال بآلآس 4*

اسعار الاقامة في فندق سنترال بالاس 4*

الغرفة العادية { 550 ريال مزدوجة في الليلة لشخصين }
جناح اكزكتيف { 700 ريال في الليلة لشخصين }
مع الفطور بوفيه

وهذي صور الفندق من الخارج :



المدخل جدا صغير ومتداخل في بعض وهذي صورة للريسبشن:



وهذا ممر ياخذك للمصاعد وصالة التلفزيون والانترنت :



هذي صالة التلفزيون :



وهذي صالة ثانية وفيها الانترنت مجانا طبعا :





المصاعد :



هذا مدخل الغرفة من الداخل وعلى اليمين دورة المياه والدولاب



هذي صور الجناح الاكزكتيف :



التلفزيون فيه قناة قرآن وقناة دبي و العربية :





هذي الجلسة للأفس الصور ماوضحتها زين ولا هي كبيرة



وهذي نفس الجلسة كذا نشوف منها بقية الغرفة



هذي صورة الغرفة العادية



لان الدور عالي 8 كانت فيها شبه اطلاله ع البسفور





دورة المياة وانتم بكرامة كلها فيها جاكوزي سواء بالاجنحة او الغرف
وبنفس الشكل ممكن تكون مفتوحة على الغرفة او تقفلونها من الداخل





وهذي صورة من داخل دورة المياة للغرفة :



اعجبتني المغسلة قمت صورتها



ادوات الحمام :



في هالفندق ماكان فيه غلاية ماء ولكن فيه 2 ماء مجانا باليوم



هذي بطاقة الفندق وكارت يعطونه لكل نزيل بعدد ايام اقامته
له كل يوم طبق حلو في الكافيه مجانا وطبعا المشروب عليك لو تحب



هذي بعض انواع من الحلويات اللي يقدمونها لاننا كنا 6 نوعنا الاصناف







اللي يميز هذا الفندق ان الميني بار مافيه مشروبات روحية والفندق مايقدمها



صراحة الفندق كان حلو ومريح الا انه ماريحني في النوم انا واختي وولدها
اول يوم قمت مريضة بالليل وجلست اتالم طول الليل وثاني يوم نويت اسهر
على الانترنت وانا جالسة رفعت راسي شفت خيال انسان كامل مر قدامي
ومشي بهدوء خفت يومها وفتحت كل انوار الجناح ونمت بالقوة وقلت ما بأتكلم
ثاني يوم اختي قالت مخاوفها هي وولدها قمت تكلمت فخفنا كلنا واختي
قالت مابتنام بغرفتها بس وش السواة ؟؟
لان الدنيا ليل قمت انا وياها سحبنا مرتبة السرير حقتهم وجبناها عندنا
وخلينا الغرفة حوسة بعد الترتيب وحسنا كثير الصباح عشان نرجعها



المهم قلنا يارايح كثر من الفضايح رجعنا المرتبة بسلام وطلبنا ياخذون اغراضنا
وسوينا شيك اوت وكان الهوا بااارد جدا ركبنا الباص وتوجهنا للمطار

وصورت الحدايق اللي على البحر بطريقنا بصراحة حلوة الجلسة فيها
على البحر ومساحات واسعه خضراء وفيها العاب اطفال ورياضة وملاعب



الشوارع كانت تقريبا خالية من الزحام وصلنا المطار خلصنا اجراءات السفر



وتوجهنا للمصلى والسوق الحرة حتى يجي موعد الرحلة



اعجبني هالمحل يقدم كل انواع الحلويات والتحف التركية





قربت منه وصورت الاضاءة قلت يمكن تفيدني بتصميم بعدين



شريت لي عطر وشوكليت كيندر اعجبني شكلها ورولو



وهذا ملف فيديو للمطار :

لحفظ الملف اضغطوا على الصورة بيمين الفارة وحفظ الهدف باسم :



حجم الملف : 1.2 م.ب

تأخرنا شوي والمطار ماشاءالله كبير وصاروا ينادون علينا بالاسم
عشان الرحلة لكن اللي سهل الموضوع المسارات المتحركة ما
امداني اصورها حتى ما اتهزأ ويقولون انتِ وحدة فاضية بتضيع
الرحلة وانت تصورين

وصلنا البوابة وباقي مافتحوها ولكن مدري ليش عجولين الاتراك



ركبنا الطائرة واعطاني ولد اختي مقعده بجنب الشباك عشان اصور
وهذا مضيف رحلتنا .. وحنا على الارض يوزعون محارم حاره للركاب



بدات الطيارة تتحرك وكان المدرج مليان رحلات فصورت وحدة من
الطيارات وهي تقلع



وهذا ملف فيديو لنا وطياراتنا تقلع ونودع معاها اسطنبول

لحفظ الملف اضغطوا على الصورة بيمين الفارة وحفظ الهدف باسم :



حجم الملف : 1.7 م.ب

اسطنبول من الجو و هذا بحر مرمرة اللي تشوفونه



هذي جزر الاميرات



هذي بحيرة مرينا من فوقها والله اعلم انها بحيرة ايزنيك او صبنجة ( غير متأكده )



وهذي قمم جبال مرينا فوقها وعليها بعض الثلوج



ماعرفت ايش هالمنطقة بس صورتها



وهنا منطقة ثانية كلها مرتفعه وعليها ثلوج



للاسف الصور مو مثل الطبيعه وللحين ماتعلمت اصور بكآمي زين



وجا وقت الغدا وقدموا لنا اياه بس التفت وشفت منظر طيارات اثنين
مروا الى ماطلعت الكاميرا اصور كانت مشيت وحدة بسرعه والثانية
لقطتها واعجبتني اللقطة لانها جاية مع القمر ودخان الطيارة فحبيتها
وتمنيت لو معايا كاميرا بدقة افضل وقتها



ولاني انتبهت للقمر في النهار قمت صورته قبل ال أكل



اخترت انا وجبة الدجاج مع الرز لكن ماكان لذيذ كثير

بس اعجبني الحلو بالقرفة



وجبة اللحم ماحبوها كثير بعد



هذي العاب الاطفال اللي وزعوها كتيب فيه الغاز والعاب
واللعبة حلوة فيها 6 العاب شطرنج و XO و الحية والثعبان
ومدري ايش بعد



تركنا اليابس وصرنا نمشي فوق البحر الابيض المتوسط
وهذي الصورة اخذتها واحنا نمر فوق قبرص



نصيحة للي يفكر يزور قبرص يصرف نظر عنها لانها ماتستاهل ولا تناسب العوائل ابد

كنت اتوقع اننا بنمر فوق فلسطين المحتلة مثل رحلة الذهاب ولكن للاسف
مامرينا فوقها لاني كنت ناوية اصور المسجد الأقصى لكن خيرها في غيرها

واخيرا صار الوقت قريب المغرب وبدينا نمر فوق اراضي شهباء نوعا ما
وهذي صورة لنا قبل الهبوط واللي تشوفونها مدينة عمان عاصمة الاردن



اعجبني منظر الشمس واحنا نهبط مافوتها على نفسي وصورته



وصلنا مطار الملكة علياء بالاردن حمد لله على سلامتنا
وكان الجو بارد جدا خلصنا الاجراءات واخذنا اغراضنا واخذنا
سيارتنا من المواقف و نزلنا عمان قضينا فيها ليلتين
وبعدها رجعنا السعودية بالسلامة ..

اتمنى ما اكون ثقلت عليكم واعتذر لعدم اضافة صور لاماكن سياحية
كثيرة ولكن مثل ماذكرت سابقا الرحلة كانت للاستجمام فقط وسبق
وزرنا كل هذه الاماكن في كل مرة من المرات ال 9 السابقة .

ولو تحبون انزل لكم بعص صوري السياحية الصيفية بتركيا للفائدة ماعندي شمكلة


.. اتمنى لكم سفرات سعيدة و ممتعة اينما كنتم ..





المزيد...

اعلانات

رد

أدوات الموضوع




Powered by vBulletin
لؤلؤة الخيران
A Proven Success
Online Advertising